DIE FYN, FYN NET VAN VAN WYK LOUW SE WOORDE deur Ina Strydom

NP van Wyk Louw is vanjaar 50 jaar gelede oorlede. Hy is die enigste persoon aan wie die Hertzogprys vyf keer toegeken is – en dit in al drie kategorieë: poësie, prosa en drama. Sy werk is voorgeskryf vir skole, en opgevoer op verhoë. Hy het talle opdragwerke vir die SAUK en vir ander instansies geskryf. Hy het sy volk gekritiseer en vermaan, en in sy eie woorde, hom lewenslank aan die volk verknog. Die dokumentêr fokus op slegs enkele aspekte van Louw se werk.